Sindicato de Enseñanza de CCOO de Asturias | 11 diciembre 2025.

CCOO apoya les movilizaciones en L.lena y esixe a Educación una solución inmediata y digna pa'l colexu de Zurea

    El Sindicatu d'Enseñanza de CCOO d'Asturies manifiesta'l so apoyu total y esplícitu a les movilizaciones del profesoráu y de les families del Colexu de Zurea y del CRA de L.lena motivaes pola grave situación de deterioru de les instalaciones del colexu.  Apoyamos les sos xustes reivindicaciones pa llograr la vuelta cuanto antes, y en condiciones dignes, del alumnáu a la so llocalidá.

    19/11/2025.
    Movilización en Lena por una solución digna para el colegio de Zurea.

    Movilización en Lena por una solución digna para el colegio de Zurea.

    Ante la situación de precariedá, esiximos a la Conseyería d'Educación y al Conceyu de L.lena una solución urxente que pase por una reforma integral del colexu de Zurea, única manera de garantizar que'l desenvolvimientu de les clases seya con total normalidá y seguridá.

     

    Dende CCOO queremos sorrayar que la situación d'abandonu que sufre'l colexu de Zurea nun ye un casu aislláu, sinón el resultáu directu de l'aplicación de polítiques d'austeridá neolliberal impulsaes dende la Unión Europea. Estes polítiques, materializaes en normes como la Llei d'Estabilidá Presupuestaria, llindaron crónicamente la inversión pública en servicios esenciales como la educación, obligando a les alministraciones a priorizar el control del déficit sobro'l caltenimientu y la meyora d'infraestructures sociales crítiques. El deterioru de la escuela rural ye, por tanto, una consecuencia previsible d'esti marcu qu'afuega financieramente a les comunidaes autónomes y los conceyos.

     

    Ante esti marcu de retayos, dende CCOO recordamos que l'apuesta pola escuela rural nun puede quedar nun meru discursu de bones palabres. Esti compromisu tien de materializase con inversiones y medios concretos, tanto na meyora de les infraestructures como na dotación del profesoráu necesariu pa una docencia de calidá, desafiando activamente les lóxiques de l'austeridá.

     

    ·    Por too ello, dende'l Sindicatu d'Enseñanza de CCOO esiximos:

    ·    La rehabilitación inmediata del Colexu de Zurea y un compromisu por escritu de les distintes alministraciones que garantice la torna de les clases a la localidá nel menor periodu de tiempu posible.

    ·    Que, mientres dure esta situación, tien que buscase una alternativa educativa na mesma Zurea qu'evite'l desplazamientu del alumnáu a Campumanes, centru que, amás, nun cunta anguaño con espaciu abondo p’ allugar de forma afayadiza al alumnáu y a la comunidá educativa de Zurea.

     

    El Sindicatu d'Enseñanza de CCOO va caltener el so firme sófitu a estes reivindicaciones y va sumase a cuantes movilizaciones se convóquen, apoyando a les families y el profesoráu de Zurea y de too el Conceyu de L.lena, hasta consiguir garantíes firmes d'una torna inmediata y en condiciones dignes a les aules de Zurea.

      •