Sindicato de Enseñanza de CCOO de Asturias | 7 agosto 2026.

CCOO d’Enseñanza torna a esixir una respuesta ante la imposibilidá del alumnáu migrante ensin númberu de la Seguridá Social de realizar la formación en empreses

    El Sindicatu d’Enseñanza de CCOO d’Asturies denuncia públicamente la situación de bloquéu que tán sufriendo numberosos estudiantes migrantes de Formación Profesional que, al nun disponer de númberu de la Seguridá Social, nun pueden realizar les práctiques obligatories de los sos ciclos formativos. Esta circunstancia, conocida dende fai meses, ta dexando al alumnáu nuna situación de vulnerabilidá estrema y comprometiendo’l so derechu a la educación y a la titulación.

    21/04/2026.
    Práctica de Formación Profesional de Cocina.

    Práctica de Formación Profesional de Cocina.

    CCOO solicitó fai más d’un mes una xunta cola Delegación del Gobiernu n’Asturies pa tratar esta cuestión y atopar una solución urxente, ensin recibir respuesta nenguna por parte de la Delegación del Gobiernu.

    Ante esta situación de bloqueu, mantúvose una xunta col Director Xeneral de FP. Mientres esti alcuentru, CCOO solicitó que s’articulen tolos mecanismos necesarios pa poder solventar esta problemática y propunxo una midida temporal y esceicional pa evitar que l’alumnáu afectáu pierda un cursu completu: permitir que les práctiques se realicen nos propios centros educativos, siguiendo’l precedente afitáu mientres la pandemia de la COVID‑19. Esta alternativa permitiría garantizar la continuidá formativa mientres se resuelve la situación alministrativa.

    Sicasí, a día de güei, nun esiste nenguna instrucción oficial, nin pal cursu actual nin pal próximu. El profesoráu y los tutores de FP atópense ensin direutrices que treslladar al alumnáu, xenerando un clima d’incertidume que afecta especialmente a quien yá s'atopa nuna posición de mayor vulnerabilidá. Esta situación tresládase tamién al profesoráu de la ESO y Bachilleratu, que nun sabe si orientar al alumnáu migrante ensin númberu de la Seguridá Social escontra la FP.

    Esta problemática súmase a otros munchos problemes derivaos de l’aplicación de la nueva Llei de FP, que tán xenerando un creciente descontentu ente’l profesoráu y tán dificultando’l funcionamientu ordinariu de los centros educativos.

    Dende’l Sindicatu d’Enseñanza de CCOO d’Asturies esiximos respuestes urxentes y soluciones que prioricen al alumnáu, garantizando que nengún estudiante quede atrás por motivos alministrativos ayenos a la so voluntá, volviendo reiterar la solicitú d’una xunta urxente cola Delegada del Gobiernu n’Asturies. L’Alministración tien de poner tolos mecanismos a la so disposición pa reverter una situación que dexa abandonáu al alumnáu más vulnerable.