Sindicato de Enseñanza de CCOO de Asturias | 6 diciembre 2025.

CCOO enseñanza refuga la Ufierta d'Empléu Públicu de 2025 porque va incrementar la tasa d'interinidá.

  • 232 places aplácense hasta 2028, dexando ensin cubrir vacantes xeneraes en 2025

El Gobiernu del Principáu d'Asturies, tras presenta la so Ufierta d'Empléu Públicu ante la Mesa Xeneral de Negociación, recibió'l refugu unánime de toles organizaciones sindicales. La UEP global pal sector docente xube a 477 places, d'elles 453 destinaránse al turnu llibre, cubriendo la tasa de reposición más l'incrementu adicional autorizáu pol Gobiernu d'España.

01/12/2025.
Consejería de Educación.

Consejería de Educación.

La Ufierta d'Emplegu Públicu añal tendría de ser una ferramienta clave p' amenorgar la temporalidá nel empléu públicu, l'Alministración asturiana optó por un procedimientu que va tener l'efectu contrariu nel Cuerpu de Maestros, amás de nun cubrir toles necesidaes xeneraes pola tasa de reposición.

A pesar de que se xeneraron 398 vacantes en 2025, l'Alministración solo va convocar 324 places nes oposiciones de 2026, correspondientes a la UEP 2024. Esto significa que van quedar ensin cubrir siquier 74 places que tendríen de reponese y que, por tanto, van ser cubiertes por personal interino. A esti déficit suma la decisión de retardar les 232 places de la UEP 2025 hasta la convocatoria de 2028.

Les ufiertes d'empléu públicu apruébense con un plazu máximu d'execución de 3 años. Por lóxica y necesidá, y considerando que la tasa d'interinidá n'Asturies supera'l 25% del total de la plantía, la convocatoria d'oposiciones de 2026 tendría d'incluyir la totalidá de les 324 places pendientes de 2024 y les 232 places de la UEP 2025.

El Sindicatu d'Enseñanza de CCOO Asturies refuga esta forma de proceder ya que dexa en reserva 232 places hasta 2028, y nun cubre´l total de vacantes xeneraes nel añu, lo que va llevar inevitablemente a un increementu de la interinidá nel Cuerpu de Maestros.

Pa CCOO esti retrasu ye inaceptable y contradiz directamente los esfuerzos normativos tantu de la Xunión Europea como del Gobiernu central, que busquen amenorgar l'alta temporalidá y la precariedá nel empléu públicu. Consideramos que l'amenorgamientu de la precariedá y temporalidá nos centros educativos ye fundamental, solo con plantíes estables ye posible facer frente a los actuales retos de la educación.

Dende'l Sindicatu d'Enseñanza de CCOO Asturies esiximos al Gobiernu d'Asturies que reconsidere la so decisión y qu'incluya la totalidá de les places pendientes de 2024 (324) y les 232 places de la UEP 2025 na próxima convocatoria d'oposiciones del Cuerpu de Maestros, prevista pa 2026. Solo asina podrá parar la temporalidá y garantizar la estabilidá, la calidá y la equidá del sistema educativu asturianu.

Datos de Vacantes del añu 2025:

Xubilaciones: 383

Muertes: 5

Excedencias ensin derechu a reserva: 10

Total de places xeneraes por tasa de reposición: 398 places.

    •