Sindicato de Enseñanza de CCOO de Asturias | 28 febrero 2026.

El sector educativu encabeza les hores estraordinaries ensin pagar

La enseñanza, a la cabeza n' hores estra ensin retribución nel nuesu país

  • Asturies ye la segunda comunidá con mayor porcentaxe de persones asalariaes que trabayen más allá de la so xornada ensin nenguna compensación.
  • Ún de cada veinte docentes realiza hores estra ensin retribución, una sobrecarga llaboral qu' incrementa los riesgos psicosociales.

El sector educativu ye’l que más hores estraordinaries ensin retribución acumula en tol Estáu, con 440.000 hores selmanales, y Asturies asítiase como la segunda comunidá autónoma con mayor porcentaxe de persones asalariaes que trabayen más tiempu del pactáu ensin nenguna compensación.

25/02/2026.
Horas de extras no remuneradas.

Horas de extras no remuneradas.

El Sindicatu d’Enseñanza de CCOO d’Asturies denunció güei la práutica xeneralizada de les hores estra ensin pagar nel sector educativu, a raíz del informe estatal ellabóráu pol Gabinete Económicu de CCOO a partir de los microdatos de la Encuesta de Población Activa (EPA) correspondientes al añu 2025.L’análisis revela que la educación encabeza’l ránquing de sectores con mayor volume d’hores estraordinaries ensin retribución, con una media de 440.000 hores selmanales, una cifra qu' evidencia la cronificación de la precariedá y de la sobrecarga llaboral na enseñanza.

A nivel estatal, 441.000 persones asalariaes realizaron hores estra ensin pagar cada selmana, lo que supón un 2,3% del total de la población asalariada. De media, cada persona afeutada trabayó 5,6 hores selmanales ensin remunaración, un tiempu que equivaldría a un coste llaboral non abonáu de 141 euros selmanales y de 7.355 euros añales por trabayador, teniendo en cuenta salarios y cotizaciones sociales.Nel conxuntu del país, el volume total d’hores estra ensin pagar algamó los 2,49 millones d’hores selmanales, lo que supón un coste llaboral añal de 3.243 millones d’euros que los emplegadores dexaron d’ingresar na Seguridá Social y na Axencia Tributaria.

Asturies, a la cabeza en esplotación horaria

L’informe asitia a Asturies como la segunda comunidá autónoma con mayor porcentaxe de persones asalariaes que realicen hores estra ensin pagar, namás por detrás de Madrid. En concretu, el 3% de les persones asalariaes asturianes trabayen hores estra ensin compensación, mui per enriba de la media estatal (2,3%). Amás, quienes sufren esta situación nel Principáu acumulen una media de 6,2 hores selmanales ensin pagar, una de les intensidaes más altes del país.

Nel casu concretu del profesoráu, los datos resulten especialmente preocupantes. El sector educativu nun solo ye’l que más hores estra ensin pagar xenera en términos absolutos, sinón qu' ún de cada veinte docentes (el 4,9%) trabaya habitualmente más hores de les pactaes ensin recibir nin un euro nin un descansu compensatoriu.

Dende CCOO esiximos la adopción de midíes urxentes contra los riesgos psicosociales derivaos de los excesos de xornada.L’estrés, la ansiedad, el síndrome de quemase (burnout) y otros trastornos de salú mental son consecuencies direutes d’una carga de trabayu que desborda los llímites llegalmente establecidos y que, na enseñanza, se realiza de baldre.

El sindicatu recuerda que, magar esiste normativa que obliga al rexistru diariu de la xornada, el so incumplimientu sigue siendo xeneralizáu, especialmente en sectores como’l educativu, onde les xeres de preparación de clases, correición d’exámenes, reuniones y atención a families s’allarguen más allá del horariu lectivu ensin que haya un control efeutivu nin una compensación xusta.

CCOO insta a la Inspeición de Trabayu y a les alministraciones educatives a intensificar la vixilancia y a desenvolver cuanto antes midíes de control horariu efeutives nel ámbitu educativu.